- 545 -

1424. Mai 1. Liegnitz.

In gotis namen amen. Wir. . burgermeister vnd . . rathmanne der stat Legnicz Andreas Geythan, Hannus Gysilher, Gregor Tesschener, Johannes Son, Niclas Redder vnd Petir Schonewelder, bekennen offintlich in diesim briue allin den, die en sehen, horen adir lehezen, das wir gesehen habin vumff briue, eynen mit des erenwirdigen in gote vaters vnd herren etwann hern Wenczlawis seligis gedechtnisse bischoffis czu der czeit czu Bresslow herczogis vnd herren czu Legnicz vnsers gnadigen liebin herren, syns furstenthums czu Legnicz vnd der ztat Legnicz grosten ingesigiln vorsigilt vnd die andern vire mit der stat Legnicz grostem ingesigil vorsigilt, des ersten lawt was also von worte czuworte als hernoch eygentlich steet geschrebin. (Siehe die Nachträge. Urk. Sonntag Judica 1411.) Des andern briues lawt was also, das der erbar man Petir Girdan vnser mitteburger hatte vff der stat Legnicz czehen marg geldis jerlichis czinsis czuwedirkauffe vum hundirt vnd czwencig marg grosschin iczliche marg vm czwelffe, die em vormals von geheisse vnd beuelunge vnsers gnadigen herren des bischoffis egenanten vnd auch mit rate, wissen vnd willen der eldisten, der geswornen allir hantwercke vnd der ganczen gemeynen der stat Legnicz von groser merclicher schaden vnd czerunge wegin, die her durch notwere willen mit dem hochgebornen fursten herczogen Ludwige herren zum Brige vnd czu der czeit vorwesere czu Legnicz vnserm gnadigen liebin herren in den crigen entpfangen vnd getan hatte, auch vm syner notdorfft willen, der her czu der czeit anders nicht czuhvlffe komen mochte, von syner wegin vnd vor en recht vnd redelich also czu wedirkauffe vorkaufft woren. Des dritten briues lowt was also, das der erbare man Petir Ennerich von Lobin hatte vff der stat Legnicz acht marg geldis jerlichis czinsis czuwedirkauffe vm sechsvndnewnczig marg grosschin, iczliche marg vm czwelffe, die em vormals von gebote vnd beuelunge vnsers gnadigen herren herczogen Ludwigs egenanten vnd auch mit rate, wissen vnd willen alzvor geschreben steet, also czu wedirkauffe vorkaufft woren von der viertowsund marg grosschin wegin, die man em vnd von syner wegin beide, cristenn vnd juden, an die her sie geweizet hatte, beczalte. Des vierden briues lowt was also, das die erbare frawe Agnese Seyfirshawynne von Hirsberg hatte vff der stat Legnicz sebenczehen marg geldis jerlichis czinsis czu wedirkauffe vm czweyhundert vnd vier marg grosschin, iczliche marg vm czwelffe, die er vormals von gebote vnd beuelunge auch vnsers gnadigen herren herczogen Ludwigis egenanten vnd auch mit rate, wissen vnd willen, alzuor geschrebin steet, von der genanten vier towsund marg grosschin wegin also zu wedirkauffe vorkaufft woren. Des vumfften briues lowt was also, das der erbar man Petir Vogeler von Haynow katte vff der stat Legnicz vumffczehen marg geldis jerlichis czinsis czu wedirkauffe vm hundert vnd achczig marg groschin, iczliche marg vm czwelffe, die em vormals auch von gebote vnd beuelunge vnsers gnadigen herren herczogen Ludwigis egenanten vnd auch mit rate, wissen vnd willen, also vorgeschrebin steet, also czu wedirkauffe vorkaufft woren. Mit demselbin gelde vnd auch mit anderm gelde, das man von der stat wegin doczu legete man abekauffte vnd beczalte Hannose Dawmeloze czu Breslaw czwenczig marg waris jerlichis vnd ewigis czinsis vmb dreyhundert vnd vierczig marg grosschin, die do gewest woren in den dreysik marken waris jerlichis vnd ewigis czinsis, die Niclase Pfuter etwenn vnserm mitteburger vnd seynen geerbin beides geslechtis vormals vorkaufft woren, von der vorgenanten stat Legnicz vffczuhebin vnd czuhabin. Des habin wir vorgenanten burgermeister vnd rathmanne von gebote vnd beuelunge des genanten vnsers gnadigen liebin herren herczogen Ludwiges vnd auch mit rate, wissen vnd willen der eldisten, der geswornen allir hantwerke vnd der ganczen gemeynen der stat Legnicz die obengeschreben vumffczig marg geldis von dem vorgenanten selegerete noch der gnanten vnser gnadigen frawen tode vm sechshundert marg grosschin, iczliche marg vm czwelffe wedirabegekaufft vnd habin sie recht vnd redelich andern lewten wedir vorbas vorkaufft vff die vorgenante stat Legnicz vm sebenhundert marg grosschin, iczliche marg vm vierczen. Das selbe vffgelt, die hundert marg grosschin, habin wir synen gnaden vnd von syner wegin den, an die her vns weizete, vorrichtet vnd beczalt, vnd dorczu dem egenanten Petern Girdan die czehen marg geldis vm hundirt vnd czwenczig marg grosschin vnd dem vorgenanten Petirn Ennerich die acht marg geldis vm sechsvndnewnczig marg grosschin vnd der gnanten Agnisen Seyfirshawynne die sebenczehen marg geldis vm czweihundert vnd vier marg grosschin vnd auch dem obgenanten Petirn Vogelern die vumffczehen marg geldis vm hundert vnd achtczig marg grosschin auch wedir abegekaufft, vnd habin die selbin vumffczig marg geldis, die wir also von den obgenanten lewten gekaufft habin, auch von gebote vnd beuelunge des gnanten vnsers gnadigen herren herczogen Ludwigis vnd auch mit rate, wissen vnd willen, alzvor geschrebin steet, recht vnd redelich wedir vorbas vorkaufft vff die vorgenante stat Legnicz czu dem gnanten selegerethe etwenn vnser gnadigen liebin frawen czuwedirkauffe vm sechshundirt marg grosschin, iczliche marg vm czwelffe, an der abegekawfften vumffczig marg czinse stat, die czu den selbin selegerethe vff der stat Legnicz vormals, als obene geschreben steet, habin gestanden. Den selbin czins, die vumffczig marg geldis, globin wir vorgenanten burgermeister vnd rathmanne mit allin den, die noch vns burgermeister vnd . . rathmanne der stat Legnicz gekoren werden, in czukumfftigen czeiten in guten trawen vnd ane argelist czu demselbin selegerethe alle jar, die wile her nicht wedirgekaufft wirt, czugebin vnd czuleistin vnd das vorgenante selegerete czuvolfuren vnd czuvorsteen getrewlich vnd czuvorwesen in aller mase, in allen synen articulen, punckten, clausuln, stucken vnd satzungen, als obene eigentlich von worte czuworte steet geschrebin. Dis kauffis vnd alle der vorbeschrebenn sachin vnd globde czu eyner festen bestetigunge habin wir wir disin brieff gegebin dorobir vorsigilt mit der stat Legnicz ingesegil dem grossten. Das ist gescheen czu Legnicz an sente Walpurgen tage der heyligen juncfrawen, noch gotis geborth vierczehenhundirt jor donoch in dem viervndczwenczegisten jare.

O. d. St. L. No. 296. An Pergamentstreifen das schadhafte Siegel in hellem Wachs.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866